Þeir bara geta ekki annað en gert mér lífið leitt!!!!

Ég held ég hafi aldrei orðið eins fjúkandi reið út í neitt fyrirtæki og Icelandair ákkúrat núna.  Það liggur við að ég ætti ekki að vera að eyða orðum í þetta ákkúrat núna, svo reið er ég að ég næ varla að hugsa skýrt.  Þetta fj""## fyrirtæki ætlar að fara að halda fólki hér (í Glasgow) og heima í gíslingu nema að það láti sig hafa það að ferðast langar leiðir og leggja fyrir sig alls kyns peningabrölt sem það áður hefur ekki þurft til að komast heim til sín.  Ekki nóg með að það er alls enga þjónustu að fá frá þeim, síðan ég byrjaði í skóla hérna 2003, þá hafa þeir gert sitt í gera lífið leitt.  Fækka ferðum, bjóða upp á óætar samlokur, bjóða upp á samlokur með rækjusalati eða laxi ... sniðugt, en ég er með ofnæmi fyrir fiski!  Fækka enn fleiri ferðum, ennþá boðið upp á hræðilegan mat og þeir vilja ekkert skilja af hverju þeir fá meira en helminginn af þessum andskotans skinkuhornum þeirra til baka til að henda enda eru þeir ennþá að reyna að þröngva þessu upp á mann.  Ég er sko búin að læra það að taka með mér nesti og afþreyingu fyrir mig sjálfa þegar ég flýg með þeim.  Þeir eru búnir að gera allt sem þeir geta til að ég hætti að vera viðskiptavinur þeirra.

Mér finnst þetta æðisleg frétt, sérstaklega þar sem ég á nógu erfitt með að vera hérna í námi eins og er.  Hálf fjölskylda mín er í frekar slæmum málum heilsufarslega séð og hef ég reytt mig á að geta hlaupið út á völl og upp í flugvél ef á þarf að halda.  Takk kærlega fyrir Icelandair að ýta undir andlega vanlíðan mína og hehehe já einmitt, létt pyngju mína ennþá meira á tilstandinu að þurfa að fljúga eða fara með lest til London, gista eða dvelja þar tímunum saman á meðan beðið er eftir að geta komist leiðar sinnar, það var ekki eins Icelandair fengi greitt fyrir það þegar ég var að fljúga með þeim, minnst 10 sinnum á ÁRI!!!

Ef þeir halda að þeir hafi svona lítið út úr þeim sem eru að fljúga hérna á milli og að þeir skipti þá svona litlu máli, þá geta þeir átt sig.  Frekar fer ég með árabát á milli núna en Icelandair.

Undrandi á framkomu Icelandair

Athugasemdir

[Hreinn (IP-tala skráð) 17.10.2008 kl. 22:23]

Það að þú getir ekki flogið samstundis til Íslands leið og þig langar er náttúrulega alveg það versta sem er að gerast í því ástandi sem ríkir á Íslandi, ef ekki heiminum.

Og maðurinn sem tapar 180 pundum, er auðvitað það næstversta.

 Það hafa örruglega fleirri en 3 dáið úr hungri í Afríku þann tíma sem það tók mig að skrifa þetta svar.  En það er ekki jafnslæmt og að geta ekki farið í skemmtiferð til útlanda.

Þetta er hræðilegt, ég samhryggist og finn rosalega til með þér, vonandi kemstu í gegnum þetta.  

[Hreinn (IP-tala skráð) 17.10.2008 kl. 22:28]

Það sem mér þykir verst í þessu ástandi, er að mánaðarlega upphæðin sem ég gef til Unicef, gerir u.þ.b. helmingi minna gagn nú en áður.

Það er alvöru vandamál, meðan vestrænir ofurspilltir heimsborgarar gráta, þá gleymist alvöru neyðin.  Það er hungursneyð, lyfjaskortur og kúgun.

Ath. ég undanskil mig ekkert þessari lýsingu, en nú þarf bara að hugsa hlutina upp á nýtt.  Við getum ekkert verið í einhverri sjálfsvorkunn þótt Icelandair sé  "vont" fyrirtæki.

Markaðsforesndurnar brugðust, eins og með bankana, Icelandair er amk ekki gjaldþrota (ennþá)

[Lady Elín, 17.10.2008 kl. 22:55]

Takk fyrir Hreinn þessa persónulegu árás á mig þrátt fyrir að þú vitir ekkert hvað ég stend fyrir og hvaða málefni ég styrki.  Afsakðu einnig að ég geti lítið grátið vegna þess fólks sem á annars staðar í heiminum bágt, þrátt fyrir þá hjálp sem reynt er að veita þeim, en ég finn kannski sárast fyrir þessari gagnrýni á mig er sú staðreynd að vilja geta farið heim þegar á reynir hjá fjölskyldu minni.  Fjölskyldunni sem hefur ötullega stutt við mig bæði andlega og fjárhagslega til þess að ég geti stundað það nám sem á minn hug allan.  Amma mín sem er orðin mjög hrum og gömul, svo mikið að það var tvísýnt ástand með hana fyrir ekki mörgum vikum síðan, er núna komin heim og reiðir á hjálp frá hjúkrunaraðilum og fjölskyldunni.  Móðir mín sem gengur við hækjur þar sem hún er tvívegis brotin í baki og með hryllilega hryggskekkju og vandræða mjaðmaliði en stendur samt í því að hugsa um ömmu mína og föður minn sem þjáist af Parkinsons veiki! Og þú ert að skamma mig fyrir að hugsa um hvernig ég geti verið að fárast út í fyrirtæki sem gerir það erfitt fyrir mig að ferðast á milli staða eins auðvelt og að taka strætó af því að ég er í 'skemmtiferðum' í útlöndum.

Ég virkilega vona að þér finnist þessar athugasemdir þínar gagnvart persónu minni sæma þinni virðingu.  Afsakaðu að ég sé að veltast um í 'sjálfsvorkun' bara af því að ég vil geta farið heim til fjölskyldu minnar þegar ég vil og þarfnast.  En ég er bara 'ofurspilltur heimsborgari' af því að ég er stödd í útlödnum og ætti bara að sitja hér og skammast mín fyrir að vera ekki búin að leysa vanda heimsins. 

[Guðmundur (IP-tala skráð) 17.10.2008 kl. 23:10]

Er ekki allt í lagi hérna... Heldur fólk virkilega að stórt flugfélag geti komið til móts við gjörsamlega alla?? Haldiði að félagið myndi endast lengi að fljúga til Glasgow eða á til annarra áfangastaða með kannski 50 manns um borð í 200 manna flugvél. Ég hef yfirleitt alltaf flogið með IcelandAir og aldrei hef ég orðið fyrir vonbrigðum með þjónustuna þeirra.

[Lady Elín, 17.10.2008 kl. 23:26]

Hmm, já það er undarlegt að fyrirtæki hafi orðið stórt án þess að mæta þeirri þörf á þjónustu sem óskað var eftir.  Skrítið!  Og allt í einu núna eru vélarnar orðnar tómar ... held nú varla.  Það sannast í hvert sinn sem ég flýg, þó að vélarnar séu nú kannski ekki fullar þá eru þær alls ekki tómar heldur. Það þarf náttúrulega að bjóða upp á þetta val til þess að það sé eftirspurn eftir því, sem það hefur verið og af hverju eiga þeir sem hafa haft not af þessari þjónustu að sætta sig við það þegjandi að það sé klippt á þetta. 

Ég er í fullum rétti að finna fyrir gremju út af því að þeir séu að hætta þessari þjónustu enda er ég viðskiptavinur hjá þeim.  Sem betur fer hefur þú Guðmundur ekki lent í vandræðum með Icelandair, en hugsanlega af því að þeir fljúga þangað sem þú leggur leið þína, því miður á það ekki við fyrir mig ákkúrat núna!  Þannig að ég mun halda áfram að argast út af þessu í nokkra daga í viðbót og hananú!

[Hilmar Einarsson, 17.10.2008 kl. 23:47]

Það er lenska á íslenskum vinnustöðum, hversu góð þjónusta sem er veitt í mötuneytum .þeirra að bölsótast alltaf út í ógeðslegan mötuneytamat, vont kaffi o.s.frv. þetta fólk er yfirleitt arfa lélegir kokkar sjálft. 

Það er athyglisvert að lesa skrif lafðinnar sem hér hefur verið að hvarta og kveina og bölsótast með yfirgengilegri tilætlunarsemi út í allt og alla.  

Matur um borð í flugvéium Icelandair er með þeim skárri sem boðið er upp á meðal helstu flugfélaga.   Ef mér förlast ekki alvarlega getur fólk óskað eftir sérmatseðli ef þþað hefur sérþarfir í þeim efnum, það þarf held ég barasta að panta hann fyrirfram.

Fyrir nokkrum árum þurfti ég að komast til Manchester en þá var ekki um beint flug að velja þangað.  Millilending í London var þá ekki stórmál, enda er flogið á milli helstu borga í Bretlandi með hæfilegu millibili allan daginn, næ´stum því eins og strætó.

Fólk verður einfaldlega að skilja það að öll þjónustu fyrirtæki verða að hagræða af og til og breyta þjónustu sinni af og til til þess að forðast taprekstur.  Með því einu móti er hægt að halda uppi fyrirmyndar þjónustu á hóflegu verði.  Annars hverfur þessi þjónusta allveg, er það slík niðurstaða sem svona fordekraðar frekjudollur vilja fá?

http://www.aftenposten.no/reise/article2632477.ece

[Helgi (IP-tala skráð) 17.10.2008 kl. 23:59]

Sæl Elín. Ég er sammála þér, þetta er afskaplega lélegt af Icelandair og ég hvet þig til að hunsa menn eins og þá sem hafa ráðist á þig fyrir þessa bloggfærslu. Reyndar held ég að þú ættir að loka á athugasemdir, þá sleppurðu við svona rugludalla. Vona að þér gangi vel að komast á klakann. Baráttukveðjur.

[Lady Elín, 18.10.2008 kl. 10:57]

Hilmar! Já það getur vel verið að ég sé fordekruð og með mikla frekju en má ég benda á eitt.  Þar sem ég ferðast frekar oft með Icelandair sé ég nákvæmlega hvernig fólk tekur á móti þessum 'blessuðu' samlokum, flugfreyjurnar þurfa að taka á móti þessu öllu aftur oft einungis einn biti farin þangað til fólk geiflar sig með grettum um viðbjóðinn.  Ef Icelandair þarf að spara, má þá bara biðja þá um að hætta að bjóða þetta fram og ef fólk vill fá mat, þá getur það óskað eftir því sérstaklega.  Ekki er ég að biðja um þetta.  Annað sem þeir geta sparað á, hvernig væri að fækka ferðum til London eða hvaða ástæða er að fljúga tvisar á dag, sjö daga vikunnar þangað og láta aðra staði í Bretlandi líða fyrir það!  Sérstaklega í ljósi þess að Iceland Express flýgur iðulega til London líka.  Segðu mér að þessar vélar séu alltaf FULLAR!  Glasgow er millilanda flugvöllur rétt eins og Keflavík og Heathrow og í hvert sinn sem ég flýg eru ekki einungis nokkrar íslenskar hræður sem fyrirgera sér það að ferðast til London til að fara heim að nýta sér þennan ferðamáta.  Í fleiri en einni af flugferðum mínum hafa verið heilu steggjapartíin á leiðinni fram og til baka til að skemmta sér á Íslandi í nokkra daga og ég hefði haldið að einmitt núna væri tíminn að nýta þau pláss í ferðaþjónustunni að taka á mót sem flestum ferðamönnum.  Ég get alveg svarað því að ef það er ekki boðið upp á ferð til Íslands í gegnum Glasgow .. þá segir það sig sjálft að þá leggjast ferðir þaðan og heim niður!!!

 Helgi, takk fyrir góð orð og baráttukveðjurnar.  Ég vil nú ekki vera að loka fyrir svona bullukolla sem þurfa að skeyta skapi sínu á mér, þrátt fyrir að ég hafi lítið aðhafst gagnvart þeim.  Þeir sitja heima hjá sér í fínum efnum, en það á ekki við um mig ákkúrat núna.  Ég bregst svona við þessum fréttum frekar harkalega og veit það, en þegar það öryggisnet sem ég hef haft af Icelandair hér í Glasgow bregst, þá bregst ég illa við og ég skil ekki af hverju fólk á erfitt með að taka því.  Á hverjum degi þarf ég að díla við heimþrá og áhyggjur gagnvart fólkinu mínu heima og ef ég þarf að skeyta skapi mínu á fyrirtæki sem ég tel vera að bregðast mér og fleirum í sem eru í sömu sporum hér í Skotlandi þá á ég rétt á að orða það.  Þeir hefðu frekar mátt virða það við mig.  Takk enn og aftur fyrir hlý orð og ekki hafa áhyggjur ég kemst á klakann einhvern veginn. 

Óskalistinn minn í ár: Teleportation tæki eins og Star Trek!!!

[Karma (IP-tala skráð) 18.10.2008 kl. 13:10]

LE: "Annað sem þeir geta sparað á, hvernig væri að fækka ferðum til London eða hvaða ástæða er að fljúga tvisar á dag, sjö daga vikunnar þangað og láta aðra staði í Bretlandi líða fyrir það! "

Það hljóta að vera markaðsaðstæður sem stjórna hvert þeir fljúga og tíðnina. Ég er nokkuð viss að það er góð ástæða fyrir því. Flug til Glasgow á þessum tíma ber sig greinilega ekki. 

[Erna Hákonardóttir Pomrenke, 19.10.2008 kl. 02:19]

Þú ert þó heppin að þetta stendur aðeins í stuttan tíma. Við lentum í svipuðu þegar Icelandair hætti flugi til Baltimore fyrst yfir háveturinn, og seinna hættu þeir öllu flugi til Baltimore. Þegar við förum heim er ekki annað að gera en að sitja í bílnum í 6-7 tíma og fljúga frá New York. Allt of dýrt fyrir fimm manna fjölskyldu að fljúga til NY bara til að fara í annað flug. Þetta kemur sér mjög illa og verður mikill aukakostnaður við ferðina sem fæst okkar hafa efni á þessa dagana.  Gangi þér vel.

[Hreinn (IP-tala skráð) 19.10.2008 kl. 05:06]

Ég ætlaði nú ekkert að ráðast á neina persónu, afsaka ef það var túlkað þannig, og etv. gekk ég of langt, en mér finnst allir í þessari blessuðu kreppu keppast við að vorkenna sjálfum sér, og það fer mjög í taugarnar á mér.

 Fólkið þitt hér á Íslandi hefur það alveg ÓTRÚLEGA gott miðað við hvernig meirhlutinn af öldruðu fólki hefur það.  

 En vonandi hafa þau það gott, og finnir leið til að komast heim í heimsókn!

 Verðum að standa saman við Íslendingar, biðst afsökunar ef fyrri póstar voru of nærgætnir.

Er samt ekki sáttur við að vera kallaður "rugludallur" fyrir að benda á þetta.

Við höfum það alveg frábært á Íslandi, þrátt fyrir að ekki sé flogið beint til  Glasgow

[Hrabban (IP-tala skráð) 19.10.2008 kl. 22:19]

Alveg ömurlegar fréttir, varð einmitt hugsað til þín þegar ég las þetta.

 Finnst alveg ótrúlegt að fólk finni sig knúið til að koma með leiðindakomment á persónuleg blogg. Mér var kennt sem barni að ef maður hefur ekkert gott að segja þá er oft betra að halda sér bara saman. Aðgát skal höfð í nærveru sálar.

Get ekki séð það sem neina gífurlega sjálfsvorkun að Elín sé að kvarta yfir því að komast ekki heim til sín. Manneskja sem býr erlendis og hefur verið meira eða minna frá fjölskyldu sinni í mörg ár og vegna veikinda reiðir hún sig á að komast fljótlega á milli landa. Kreppa eða ekki kreppa ég veit að Elín hefði tjáð sig um þessa frétt. Þið ættuð að skammast ykkar.

 Ekki láta fólk sem þekkir ekki þig og þínar aðstæður hafa áhrif á þig. Ættir ekki einu sinni að svara svona fólki yfirhöfuð.

 Knús og kossar úr Grafarvoginum frá fólki sem þekkir þig og þykir vænt um

[Karma (IP-tala skráð) 20.10.2008 kl. 09:46]

Hrabban: Um leið og þú tengir bloggið þitt við fréttir á stærsta fréttavef landsins hættir það að vera persónulegt og verður opinbert, ef það var það ekki áður.

[Bryndís Steinunn (IP-tala skráð) 20.10.2008 kl. 11:28]

Vá hvað fólk þarf stundum að missa sig... Það er allt í lagi að hafa sínar skoðanir fynst mér en að þurfa að ráðast á fólk fyrir það fynst mér ekki í lagi. Ég er sammála bæði þér og sumu fólki sem kommentar hér. Það er nógu erfitt fyrir þig að vera í burtu meirihluta ársins frá fjölskyldunni og þurfa að bæta því á að það eru veikindi hér heima. Ofan á það bætist svo þetta og ég skil það vel að þú sért fúl og þú mátt það alveg.

 Það að fólkið sem kvartar yfir mat kunni ekki að elda er bara ekki rétt.... Mikið af "mötuneytismat" er bara ekki góður og takið eftir ég sagði mikið ekki allur.

Láttu fólkið sem er að skammast eiga bara sína skoðun. Það þekkir þig ekki (óheppið það) og veit ekki hvað þú ert brilliant. Ég er viss um að það pirrast líka yfir ýmsum hlutum sem okkur fynst ekki skipta máli og þá eigum við að taka tillit til þess.

Jú rétt er það að það er örugglega markaðseitthvað að flugleiðir fljúgi svona mikið fram og til baka til London en kanski verður skorið á þar líka....

Vonum bara að ástandið batni sem fyrst mín kæra lovely Lady

Luv jú beiby

 Kveðja af klakanum